Сай ортото хаар түстэҕинэ да, мөккүөр суох. Ханна куйаас, ханна хаар. Муома улууһун Улахан Чыыстайын олохтооҕо Ирида Гайсарова соторутааҕыта эрэ куйаара турбут халлааннара хаардаабытын туһунан иһитиннэрдэ.
«Бу иннинэ аҕай Муомаҕа абытайдаах итиилэр турбуттара. Хоту дойду дьоно үөрүү бөҕө буолбуппут. Бары оҕуруот олордуутун, үүнээйи көрүүтүн-харайыытын түбүгэр түспүппүт. Онтон эмискэ тыал бөҕө түһэн, халлааммыт былытынан бүрүлүннэ, ардаата. Аны эбиитин хаардаан турда. Онон теплицаларга оһох оттуута, ититэри холбооһун түбүгэ буолла»,- диир Ирида Гургеновна. Күн-дьыл итинник соһуччу уларыйыыта кэккэ улуустарга, ыаллыы сытар нэһилиэктэр икки ардыларыгар эмиэ көстүтэлиир.
This post was published on 22.06.2016 12:36 12:36