Хампаҕа «Мужество» уордьан кавалера, Бүлүү улууһун бочуоттаах олохтооҕо Егор Терентьевич Евсеев аатыгар оҕолорго аналлаах өрөспүүбүлүкэтээҕи мас тардыһыыга турнир муус устар 3-4 күннэригэр ыытылынна. Муҥутуур кыайыылаахтарынан Хатас, Уус Алдан уонна Горнай мадьынылара буоллулар.
Хампатааҕы турнирга уопсайа 12 улуустан 140 кыттааччы күөн көрүстэ. Икки күннээх тыҥааһыннаах киирсии буолла.
Муҥутуур кыайыылааҕы 2005 сыл төрүөхтэргэ уонна онтон кыра уолаттарга быһаарсыыга Хатастан Иван Павлов инники таҕыста. Киниэхэ
Егор Евсеевы кытта бииргэ сэриигэ сылдьыбыт бойобуой доҕотторо туруорбут 25 тыһ. солк. сертификат туттарылынна.
Улахан уолаттарга Горнай уола Семён Борисов «абсолютнайга» кыайан, Егор Евсеев дьонун бирииһин — улахан телевизорынан наҕараадаланна.
Маны таһынан Егор күрэхтэспит ыйааһыныгар 55 кг Уус Алдан бөҕөһө Ховров Станислав кыайан, эмиэ Евсеевтэр дьиэ кэргэннэрин бирииһин телевизоры ылла.
Чемпионнар, призердар сыаналаах бириистэринэн, грамотанан уонна мэтээлинэн наҕараадаланнылар, диэн суруйда https://www.instagram.com/bylyy_uluuha/
