Хамаҕатта нэһилиэгин сахалыы сайдам ыала Прокопий Николаевич Сивцев уонна Мария Николаевна Аманатова бу күннэргэ нэһилиэктэрин күөллэригэр собону элбэтиигэ ылсан саҕалаатылар.
Ол курдук 2 күөлгэ, Арыы уонна Мелиорация күөллэригэр, уопсайа 150 собо оҕотун ыыттылар.
Мария Николаевна: «Күһүн өрүс уута түһэн, арыыларга туран хаалбыт кыра ууларга собо оҕолоро тоҥон хаалаллар. Онуоха быйыл көмүс хатырыктаахпытын элбэтэр баҕаттан, кинилэри быыһаан дириҥ күөллэргэ ыыттыбыт», — диэн үөрүүтүн сэмэйдик үллэстэр.
«Нам улууһа» МТ пресс-сулууспата
