23 От ыйа 23.07
  • 18°
  • $ 87,78
  • 95,76

Хамаҕаттаҕа «Оскуола түмэлигэр бэлэх» акция ыытыллар

Читайте нас на
Яндекс Новости
ЯДВ

Е.М. Шапошников аатынан Хамаҕатта орто оскуолата 90 сыллаах үбүлүөйүн бэлиэтиирэ ыйы кыайбат кэм хаалла. Бэлиэ түгэни көрсө оскуолаҕа түмэл-хос тэрийээри үлэ бара турар. Оскуола дириэктэрэ Анатолий Дьяконов хос анаан биэрбит уонна учуутал Маргарита Мухинаны, библиотекарь Яна Петрованы салайааччыларынан анаабыт.

Түмэлгэ урукку өттүгэр пионер баһаатай Вера Алексеевна Чирикова, саха тылын учуутала Тамара Ивановна Бурнашева мунньубут матырыйааллара сүрүн фонда буолуохтара. Маны таһынан «Оскуола музейыгар бэлэх» диэн нэһилиэнньэҕэ акция бара турар. Бу акцияҕа бастакынан үлэ бэтэрээнэ Мария Митрофановна Захарова кыттыста, кыыс оҕо форматын бэлэхтээтэ. Оскуола үлэһиттэрэ матырыйааллары наардааһыҥҥа, бэлэмнээһиҥҥэ көмөлөһөллөр. Галина Данилова, Любовь Эверстова пионерскай знамялары, былаахтары, вымпеллары сууйан, өтүүктээн биэрдилэр.

Сотору кэминэн Хамаҕаттаҕа үөрэҕирии кэрдиис кэмнэрин кэпсиир, оскуола историятын көрдөрөр түмэл ыалдьыттары көрсүөҕэ. Түмэл үлэһиттэрэ буола турар бэлэх-акцияҕа бары выпускниктары көхтөөхтүк кытталларыгар ыҥыраллар.

Мария Винокурова, Эҥсиэли

Следите за самым важным и интересным в Telegram-канале и WhatsApp-группе ЯСИА
Тутаах тыллар