Хамаҕаттаҕа Уол оҕо сылынан атырдьах ыйын 1 күнүгэр үгэс буолбут футбол күрэҕэ ыытылынна.
«Сайдам» түөлбэ республикатааҕы ыччат отдела ыыппыт бырайыак күрэҕэр «Уулусса тренажердара» бырайыагынан кыттан, сана дьыл иннинэ 300.000 суумалаах Грант ылары ситиспитэ. Бу күн күнүс 2 чаастан 4 тренажеры оҕо площадкатыгар эбии туруоран аһыы үөрүүлээх чааһа буолла.
Нэһилиэк баһылыга Евгений Ушницкай эҕэрдэ тыл эттэ уонна оҕолор харыстабыллаахтык сыһыаннаһалларыгар, футболга инникитин улуус, республика чиэһин көмүскүүр спортсменнар үүнэллэригэр баҕарда. «Сайдам» түөлбэ начальнига Люция Ушницкая уонна Н.П. Габышев аатынан «Эрчим» СК спортинструктора Сандал Колесов күрэх кыттааччыларыгар ситиһиилэри баҕардылар.
Күрэх туһунан тэрийээччи Люция Ушницкая санаатын маннык үллэстэр:
— Оҕолор 3 хамаандаҕа арахсан оонньоотулар. Күрэхтэһии түмүгүнэн «Бавария» хамаанда 1 миэстэ (капитан Жирков Эльдар), «Барселона» (капитан Петров Алеша) — 2 миэстэ, «Мохсоҕол» (капитан Новгородова Аида) 3 миэстэ буолан мэтээллэри кэттилэр, кыайыылаах хамаанда Кубогынан бэлиэтэннэ. Маны таһынан «Эрчим» СК спортинструктора Сандал Колесов анал ааттары иҥэрдэ: «Бастыҥ оонньооччу» — Парников Айтал, «Бастын вратарь» — Шамаев Никифор буоллулар. Педагог уонна наставник сылынан нэһилиэкпитигэр наставник сэбиэтэ (сал. Анна Заровняева ) үлэлээн тэрээһиннэргэ кыттар. Ол курдук, футбол күрэҕэр наставник сэбиэтин аатыттан Галина Габышева «Бастыҥ оонньооччу» ааты Мастов Ренатка анаата. Маны таһынан түөлбэ салайааччылара бэйэлэрин бириистэрин оҕолоругар туттардылар. Футбол күрэҕэр бириис туруорбут түөлбэлэргэ, иккис сылын ,,Кытылтан» бириискэ спонсордыыр төрөппүккэ Вера Борисоваҕа, «Үрдэлтэн» Екатерина Саввиноваҕа, Арыы Тииттэн Саргылана Зоироваҕа, «Сайдамтан» Люция Ушницкаяҕа, «Хардыыттан» Сардаана Андрееваҕа махтал!
«Эрчим» СК, МАУ үлэһиттэригэр тренажердары таҥан туруорбуттарыгар «Сайдам» түөлбэ активын аатыттан махтанабын.
Оҕолор оонньуур маастарыстыбаларыттан, дьаныардаахтык оонньуулларыттан төрөппүттэр, тэрийээчилэр, көрөөччүлэр астынан тарҕастылар.
Мария Винокурова, Эҥсиэли
