Ыам ыйын 21 күнүн сарсыардатыгар Орто Халыма туһаайыытынан Халыма өрүскэ уу таһыма 1 140 см диэри түстэ, сэрэхтээх бэлиэ 1 200 см. Уу, Луобуйа сиригэр харыыны босхолообут кэннэ, түһүүтэ саҕаланна. Ол туһунан бырабыыталыстыба бэрэссэдээтэлин бастакы солбуйааччыта Дмитрий Садовников иһитиннэрдэ.
Эстэрээччилэр бөлөхтөрө Ми-8 бөртөлүөтүнэн Орто Халыматтан 15 килэмиэтирдээх тэйиччи баар Луобуйа сиригэр биэс көтүүнү оҥордулар. Барыта 3,8 туонна эстэр веществону тутуннулар. Улахан муус харыытын туораттылар.
«Харыы олохтоох бириэмэнэн 4.28 чааска туоратылынна. Билигин муус хойуутук устар», — диэн суруйда салайааччы телеграм-ханаалыгар.
This post was published on 21.05.2025 09:26 09:26