Кэскиллээх технологиялары сайыннарыы киинэ эт оҥоһуктары, халбаһыны уонна бакалея оҥорооччуларга уонна импортердарга маркировкалыыр тэрил ороскуотун 50%-нын толуйар, диэн иһитиннэрэр.
«Биһиги 2026 сылга маркировкалааһын тиһигэр киирэр табаарынай бөлөхтөр эргиирин кыттыылаахтарыгар өйөбүл дьаһалларын анаан-минээн көрдүбүт. Бизнес элбэх үп-харчы таһыма суох саҥа ирдэбилгэ холкутук бэлэмнэнэрин туһугар», — диэн СӨ ЦРП акциһа суох аһылык бородууксуйатын управлениетын салайааччыта Юлия Кузьмина кэпсээтэ.
Программа дьоҕус уонна орто предпринимательство реестригэр регистрацияламмыт хампаанньаларга ананар. Компенсация бу салааларга анаан аккредитированнай интегратордары кытта оҥоһуллубут типовой комплект оборудованиены сакаастаатахха кыаллар.
Эт оҥоһуктарын маркировкалааһын, халбаһыны, паштеты уонна оҕо аһылыгын эт төрүтүнэн киллэрэн, 2026 сыл атырдьах ыйын 1 күнүттэн булгуччулаах буолуоҕа. Бакалея бородууксуйатыгар — мохоруон, мүөт, мюсли, хлопья, бурдук, куруппа, буһарарга уонна түргэнник астанар хортуоппуйга булкаас — ирдэбил 2026 сыл балаҕан ыйын 1 күнүттэн киириэҕэ.
