18 От ыйа 18.07
  • 18°
  • $ 88,09
  • 96,3

Халаан уутуттан эмсэҕэлээбиттэргэ Саха сирэ бүттүүн көмөлөһөр

Читайте нас на
Яндекс Новости
ЯДВ

Халаан уутуттан эмсэҕэлээбит улуустарга өрөспүүбүлүкэ дьоно-сэргэтэ бүттүүн көмөлөһөр. Ордук хоромньулаах алта нэһилиэнньэлээх пууҥҥа олоҕу-дьаһаҕы чөлүгэр түһэриигэ сүрүннүүргэ суһал штабтар үлэлииллэр. Ол туһунан Ил Дархан Айсен Николаев бэйэтин телеграм-ханаалыгар суруйда.

«Сүүһүнэн киһи — министиэристибэлэр уонна биэдэмистибэлэр үлэһиттэрэ, баҕа өттүнэн көмөлөһөөччүлэр уонна волонтердар субуотунньукка таҕыстылар, маассабай хомуйааһыҥҥа кытталлар.

Саха сирин олохтоохторо ыарахан кэмҥэ куруук түмсэн, сомоҕолоһон көмөҕө кэлэллэр, халаан уутуттан алдьаныы-кээһэнии тахсыбытыгар да туора турбатылар. Гуманитарнай көмө тустаахтарга тиийэ турар, күн аайы.

Бааһынай хаһаайыстыбалар көмөлөрө олус наадалаах. Нам улууһугар сүөһүтүн сүтэрбит «Сиибиктэ» хаһаайыстыбаҕа Ньурба оройуонуттан Любовь Васильевна Иванова биэс, Кэбээйиттэн «Ворошилов» хаһаайыстыба Аксинья Васильевна Левина 30 уонна Андрей Егорович Левин хаһаайыстыбата 30 төбө ньирэйдэри биэрдилэр.

Бырабыыталыстыба көмөнү оҥорор. Киэн туттабын Сахам сирин олохтоохторунан!» — диэн суруйда t.me/aisen_nikolaev

Следите за самым важным и интересным в Telegram-канале и WhatsApp-группе ЯСИА