7 Алтынньы 07.10
  • -4°
  • $ 60,25
  • 58,24

Халаан уутуттан эмсэҕэлээбиттэргэ сүөһү аһылыгын бэлэмнээһиҥҥэ көмөлөһүөхтэрэ

Халаан уутуттан эмсэҕэлээбит Дьааҥы уонна Кэбээйи улуустарыгар, Саха сирин былаастара сүөһү аһылыгын хампаанньатыгар көмөнү оҥоруохтара. Бу боппуруоска туспа быһаарыы ылылынна, диэн өрөпсүүбүлүкэ баһылыга Айсен Николаев «Россия 24» ханаалга быһа эфир кэмигэр иһитиннэрдэ.

«Биһиги, биллэн турар, халаан уутуттан эмсэҕэлээбит улуустарбытыгар көмөлөһөбүт. Онно тустаах быһаарыылар ылылыннылар, ол да буоллар дьон мисэтэтигэ төһө кыалларынан оттуулларын көҕүлүүбүт. Ууга барбыт икки улуустар олус уустук транспортнай схемалаахтар, онон от тиэйиитэ онно уустук буолуо. Тыа хаһаайыстыбатын министиэристибэтэ хаһаайыстыбаҕа уонна потребительскай кооперативтарга хас биирдии турбут от иһин 5 тыһыынча солкуобайдаах, оттуур чааһынай хаһаайыстыбаларга 7,5 тыһыынча солкуобайдаах көмө төлөбүрү төлүүр туһунан быһаарыы ылылынна. Оперативнай бөлөх улуустары кытта мэлдьи үлэлэһэр. Комбикорму тиэрдиигэ көмө оҥоһуллуоҕа», — диэтэ Николаев.

Тыа хаһаайыстыбатын министиэристибэтин чахчыларынан, от ыйын 25 күнүнээҕи туругунан Дьааҥы улууһугар бөрөтөлүөтүнэн 8 туонна комбикорм тиэрдилиннэ. Оттонор ходуһалартан ууну түһэриигэ үлэ барар.

Айсен Николаев этэринэн, Саха сиригэр сүөһү аһылыгын бэлэмнээһин былаана былырыыҥҥыга тэҥнээтэххэ, графиктан хаалан иһэр. Бу халаан эрэ ууттуттан сылтаан буолбакка, кэккэ оройуоннарга кураан содула буолар, бастатан туран Чурапчы улууһугар.

Саха сирин баһылыга Сунтаар, Хаҥалас уонна Нам оройуоннарын салайааччыларын оту бэлэмнээһиҥҥэ бэлиэтээтэ. Бу улуустарга оту бэлэмэ 2021 сыл көрдөрүүтүттэн ордук.

Санатан эттэххэ, быйыл өрөспүүбүлүкэҕэ аһылык хампаанньатын былаана 443 тыһыынча туоннаттан тахса.

Следите за самым важным и интересным в Telegram-канале и WhatsApp-группе ЯСИА
0
0