Бырабыыталыстыба бэрэссэдээтэлин бастакы солбуйааччыта Дмитрий Садовников сааскы халаан уутун содула суох аһарыыга сорудахтары ыксаллаах быһыыга-майгыга хамыыһыйа мунньаҕар биэрдэ. Тустаах дьаһалга бэлэмнэнии бүтэһик түһүмэҕэ барар, СИА суруйар.
Дмитрий Садовников бэлиэтээбитинэн, сааскы халаан уутугар бэлэмнэнии бүтэһик түһүмэҕэ ыытыллар. Эбэлэр арыллыыларын күнэ-дьыла барыллаан быһаарылынна. Мунньах кыттааччылара халыҥ муус Өлүөнэ өрүскэ Сангаар бөһүөлэгин туһаайыытынан уонна Амма, Халыма эбэлэргэ миэстэлэринэн баарын эттилэр.
Бастакы вице-премьер тырааныспар министиэристибэтигэр Дьокуускай — Аллараа Бэстээх эбэни туоруур суолга болҕомтону күүһүрдэллэригэр эттэ. Бары тырааныспардар улахан хонтуруолга ылыллыахтаахтар.
ОДьКХ министиэристибэтэ нэһилиэнньэлээх пууннарга коммунальнай, энергетикэ эбийиэктэрин уу ылбатыгар эрдэттэн үлэни ыыталларыгар этилиннэ.
Улуус баһылыктара ынах-сүөһү ууга былдьамматыгар миэрэлэри ылалларыгар сорудахтаата. «Халаан уута нэһилиэккэ куттала суох ааһарыгар, суһал штабтары тэрийэргэ, нэһилиэнньэни иһитиннэриигэ күүстээх үлэни ыытарга» диэн Дмитрий Садовников эттэ.
Киин улуустар муус устар 27 күнүгэр, хоту оройуоттар ыам ыйын 10 күнүгэр халаан уутун содула суох аһарыыга бэлэм буолуохтаахтарын тоһоҕолоон бэлиэтээтэ.
