«Азия оҕолоро» II кыһыҥҥы оонньууларыгар хайыһарга бастакы күн түмүгүнэн Саха сириттэн Инна Рыбкина 5 миэстэ буолла. Кини кыргыттарга 5 км дистанцияҕа көҥүл истиилинэн кытынна уонна чемпионкаттан 16 сөкүүндэнэн хаалла, суруйар СИА.
Хайыһарга күрэхтэһии «Снежинка» комплекска Кемеровоҕа буолар. 5 км стартка 64 спортсменка таҕыста.
Саха сириттэн кыттааччылартан бастыҥ көрдөрүүнү Инна Рыбкина ылла, финишка бэсиһинэн кэллэ, бириэмэтэ 14 мүнүүтэ 44 сөкүүндэ. Дистанция ортото кини 8-с испитэ, финишка түргэнин эбэн биэрэн, хас да киһини куоһарда.
Быйылгы кыайыылааҕынан УИФУо-тан Виктория Илюшенко таҕыста, бириэмэтэ 14 мүнүүтэ 28 сөкүүндэ.
This post was published on 27.02.2023 17:02 17:02