Олимпийскай чемпион Хаджимурат Гацалов көҥүл тустууга Россия сүүмэрдэммит хамаандатын сүрүн тренеринэн ананна. Тустуук Саха сирин хамаандатыгар тренер-консультанынан үлэлээбитэ, суруйар СИА.
Спортивнай тустуу Федерациятын президенэ Михаил Мамиашвили саҥа тренери хамаандаҕа билиһиннэрдэ. Билигин тустууктар Подмосковьеҕа бэлэмнэниини ааһаллар.
Санатахха, 2021 сылтан Гацалов Саха сирин көҥүл тустууга сүүмэрдэммит хамаандатыгар тренер-консультант быһыытынан үлэлэбитэ, өрөспүүбүлүкэтээҕи спортивнай тустуу федерациятын салайар Айсен Николаев ыҥырыытынан. Хаджимурат Гацалов Афинатааҕы Олимпийскай оонньуулар кыайыылаахтара, аан дойду биэс төгүллээх чемпиона, Европа үс төгүллээх чемпиона, аан дойду Кубогын үс төгүллээх хаһаайына.
This post was published on 28.11.2022 15:30 15:30