Хаҥалас улууһун Хачыкаат нэһилиэгин оттук ситимин убатыллыбыт айылҕа гааһынан уматыкка көһөрүөхтэрэ. Бу туһунан геология министиэристибэтэ иһитиннэрэр.
«Убатыллыбыт айылҕа гааһынан уматык айылҕаҕа буортута суоҕунан, харчыга ороскуот өртүнэн барыыстаах буолуохтаах», — диир промышленность уонна геология миниистирэ Максим Терещенко.
Хочуолунайдары гааһынан уматыкка көһөрүүнү таһынан Хаҥалас, Нам улуустарыгар тыа хаһаайыстыбатын тиэхиньикэлэрин эмиэ бу уматык көрүҥэр көһөрүөхтэрэ.
Санатабыт, сотору кэминэн Саха сиригэр 2030 сылга диэри убатыллыбыт айылҕа гааһын туһаныы бырагыраамата бигэргэниэхтээх. Манна уматыгы ититии ситимигэр туһаныы, нэһилиэктэри газификациялааһыҥҥа, тыа хаһаайыстыбатыгар, тырааныспарга, ОДьКХ наадаларыгар туһанар сорук турар.
This post was published on 19.01.2021 15:01 15:01