Ленин проспегын быйыл күһүн чааһынай уонна уопсастыбаннай тырааныспар сырыытыгар бүүс-бүтүннүү арыйыахтаахтар. Билигин киин куорат сүрүн суолун өрөмүөнүн иккис түһүмэҕэ буола турар, ол иһин уопсастыбаннай тырааныспарга суолу арыйа иликтэр.
«Быйыл Ленин проспегын икки кэрчигин — Кулаковскай уулуссатыттан Краснояров уулуссатыгар диэри, ону тэҥэ Дзержинскай уулуссатыттан Хабаровскай уулуссатыгар диэри ЛОРП таһынааҕы учаастакка өрөмүөннүөхпүт», — диэн мэр иһитиннэрбитэ.
Бүгүн ыам ыйын 16 күнүгэр үлэ хайдах бара турарын хаартыскаҕа түһэрдибит.
This post was published on 16.05.2023 17:03 17:03