Субуотаҕа Усуйаана оройуонун Юкагир нэһилиэгин чугаһыгар атыыр овцебык сылдьарын бэлиэтээбиттэрин туһунан сонун социальнай ситимҥэ тарҕаммыта.
Айылҕа пааркаларын, ураты харыстанар территориялар биологическай ресурсаларын региональнай дирекциятыгар кэпсээбиттэринэн, оройуоҥҥа овцебыктар кыра бөлөхтөрө киириилэрин туһунан иһитиннэриилэр 2019 сылтан саҕаламмыттар. Исписэлиистэр сабаҕалыылларынан кыыллар Аллайыаха оройуонун өттүттэн киирэллэрин сабаҕалыыллар.
Биэдэмистибэҕэ чуолкайдаабыттарынан, соҕотох овцебыктар дьоҥҥо уонна тыа хаһаайыстыбатын сиригэр-уотугар кутталы үөскэппэттэр. Ол эрээри, айылҕаҕа сылдьан бу кыылы көрсөр түгэҥҥэ куттал үөскээбэтин туһугар уопсай быраабыланы тутуһар ордук.
