Ыам ыйын 24 күнүгэр киэһэ Кэскил нэһилиэгин диэки барар суолга Хаандыга бөһүөлэгиттэн биэс километр тэйиччи сиргэ эһэни бэлиэтии көрдүлэр. Бу туһунан иһитиннэрии Томпо оройуонун дьаһалтатын официальнай телеграм-ханаалыгар таҕыста.
Олохтоохтору сатыы эбэтэр билэсипиэтинэн сылдьартан туттунарга ыҥыраллар, ону тэҥэ, массыынан сылдьааччылар бу сиргэ тохтобулу оҥорботторугар сүбэлииллэр.
Хаандыгаҕа эһэни көрбүттэр +7(41153)-4-10-00 нүөмэргэ эрийэн, диспетчерскэй сулууспаҕа биллэриэхтэрин сөп.
Санатан эттэххэ, ыам ыйын 20 күнүгэр Томпо оройуонун Джебарики-Хайа бөһүөлэгэр эһэ киирбитэ.
This post was published on 25.05.2023 11:03 11:03