14 От ыйа 14.07
  • 18°
  • $ 87,74
  • 95,76

Хаайыылаахтар баһаарынай куурсугар үөрэннилэр

16:05, 30 июля 2018
Текст:
Читайте нас на
Яндекс Новости
ЯДВ

Бу холуонньа дьаһалтата РФ Ыксаллаах быһыыга-майгыга министиэристибэтин Саха сиринээҕи управлениетыгар сайаапка түһэрбит. «Добровольнай баһаарынай хамаанда баһаарынайа» уонна «баһаарынай массыына суоппара» диэн испэсээлинэстэринэн хаайыылаахтары бэлэмнииргэ-үөрэтэргэ төһүү буолалларыгар көрдөһөн.

Кууруһу ГУ МЧС үөрэтэр киинин преподавателэ Дмитрий Дудко уонна  бу холуонньа баһаарынай чааһын начальнигын эбээһинэһин быстах кэмҥэ толорооччу Валентин Гуляев ыыппыттар.

Занятиеларга хаайыылаахтар баһаарынай дьыала төрүттэрин, баһаарынай тиэхиньикэни туттуу бэрээдэгин үөрэппиттэр. Ону сэргэ, анал кирилиэһинэн, уоту умулларар тэриллэринэн хайдах туттары барытын дьиҥнээхтик толорон көрбүттэр.

Үөрэхтэрин бүтүүтүгэр, теоретическай уонна практическай зачеттары туттарбыттар.

Бэлиэтээн эттэххэ, бу хаайыылаахтар баһаарынай куурсугар үөрэнии туһунан дастабырыанньалары ылбыттарынан, баһаары умулларыыга кыттар кыахтаннылар. Итиэннэ босхолонон таҕыстахтарына, бу ылбыт билиилэрэ туһалыан сөп.

Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.

Следите за самым важным и интересным в Telegram-канале и WhatsApp-группе ЯСИА