Покровскай куорат «Эргис» эр дьонун түмсүүтүн кыттыылаахтара Оҕо поликлиникатыгар барыыга итии ситимин трассатын туоруур кирилиэһи саҥардан, тупсаран биэрдилэр. Манна бастыҥ уопсастыбанньык үтүө киһи Андрей Дьяконов 1 кууб хаптаһынынан, биллэр урбаанньыт Сергей Гребнев мас поддоннарынан көмөлөстүлэр, НВК Саха ТГ-ханаала суруйар.
Оттон тутуутун бу үлэни баһылаабыт дьон Павел Гермогенов, Александр Рожин, Петр Дмитриев, Тимофей Кириллин биир күнү тура үлэлээн бүтэрдилэр. Аҥардас сатыы эрэ киһи сылдьарыгар буолбакка, кэлээскэлээх, салааскалаах дьоҥҥо эмиэ табыгастаахтык, бигэ-таҕа гына оҥордулар.
