29 Кулун тутар 29.03
  • -13°
  • $ 92,26
  • 99,71

Хаҥалас улууһун Тиит-Арыы нэһилиэгэр хотон үрдэ сууллунна

Читайте нас на
Яндекс Новости
ЯДВ

Бүгүн сарсыарда Чкалов нэһилиэгэр хотон сууллубутун туһунан сонун социальнай ситимнэргэ таҕыста. Дьон-сэргэ хотон хаарын кэмигэр түһэрбэккэлэр,  бу курдук быһыы-майгы таҕыстаҕа диэн араас бөлөхтөргө санааларын үллэһиннилэр. Бэлиэтээн эттэххэ, быйыл хаар халыҥнык түстэ.

Туохтан сылтаан ким хотоно алдьаммытын билээри СИА Тиит-Арыы нэһилиэгин дьаһалтатыгар эрийэн билистэ.

«Сууллубут хотон Тиит-Арыы ТХПК бас билиитэ. Биир даҕаны сүөһү хотон маһыгар баттаппата. Бу 1983 сыллаахха тутуллубут хотон, онон тутуу эмэҕирбитэ бэрт буолан, бу быһылаан тахсыбыт буолуон сөп» , — диэн нэһилиэк дьаһалтатыгар биллэрдилэр.

«Хотон эргэ буолан, бүтүннүү эмэҕирэн турар, онон үөһэ кыһыны быһа мустубут хаар баттаан, онтон сылтаан сууллубут диэн буолбатах. Кырдьыгынан эттэххэ, бу үһүс сырыытын сууллар. Бу сырыыга киирэр-тахсар аан таһыгар 5*7 иэннээх сиргэ үөһэттэн өһүөтэ оҕунна. Хата сүөһүлэр улаханнык эчэйбэтилэр. Икки сүөһүнү кыратык хаарыйбытын, бэтэринээрдэр кэлэн көрдүлэр, барыта этэҥҥэ диэн быһаардылар. Билигин хотону тиэнтэнэн бүрүйдүбүт, маһынан бөҕөргөтүү оҥордубут. Саҥа хотону туруорсубуппут хаһыс да сылыгар барда. Дьиҥэ, бырайыак эҥин бэлэм, тыа хаһаайыстыбатын министиэристибэтигэр бэриллибитэ. Бу эргэ хотоҥҥо быйыл 200 кэриҥэ сүөһү кыстаата «, — диэн Тиит-Арыы хаһаайыстыба салайааччыта Вячеслав Владимиров эттэ.

Следите за самым важным и интересным в Telegram-канале и WhatsApp-группе ЯСИА