Тыа сирин олохтоохторо исписэлиистэртэн сүбэ-ама ыллылар, чуо нэһилиэнньэлээх пууҥҥа туһулаан салайааччылар туох үлэни ыыппыттарын ыйыталастылар, дьаһалта үлэтигэр бэйэлэрин санааларын эттилэр.
Көрсүһүүлэргэ олох-дьаһах боппуруостарын, олорор дьиэлэри кииннэммит ититэр ситимҥэ холбооһуну сэргэ кыһыҥҥы суол кыһалҕата бэлиэтэннэ. 2015 сылга өрүһүнэн сылдьыһыы ахсынньы ыйга көҥүллэммит.
Дьөппөн нэһилиэктэрин олохтоохторо Күөрдэмҥэ балыыһа тутуутун туруорустулар. Билиҥҥитэ өрүс эҥээр нэһилиэктэр Хачыкаат балыыһатыгар тиийэн көрдөрүнэллэр. Улуус дьаһалтатын баһылыга бу боппуруоһу үөрэтэн, үс нэһилиэк кэнники биэс сыллааҕы статдааннайдарын кытта билсэн баран быһаарыы ылынар сөбүгэр тохтоото. Быйыл улууска үс фельдшерскэй-акушерскай пуун тутуута былааннаммыт.
This post was published on 14.01.2016 09:15 09:15