3 От ыйа 03.07
  • -7°
  • $ 104,68
  • 115,6

Хаҥалас улууһугар ыанар ынах төбөтүгэр 35 тыһ солк биэриигэ докумуон хомуйуута саҕаланна

Бүгүн Хоточчу сэлиэнньэтигэр тыа хаһаайыстыбатын исписэлииһэ Пётр Марков докумуону хомуйар. Кини эппитинэн, Хоточчуга 35 кэтэх хаһаайыстыбалаах киһи баар. Кинилэр ортотунан 2-3 ыанар ынахтаахтар.

Ыанар ынахха көрүллэр субсидия бырагырааматын сэргииллэр.

Икки өрүттээх. Бастакыта, дьон хаһаайыстыбатын кэҥэтэригэр, сүөһүтүн элбэтэригэр наадалаах. Сүөһүтүн тутан хаалар. Оттон иккиһэ — үүт туттарааһына аҕыйыыр. Мин санаабар, элбэх сүөһүлээхтэр үүт туттараллара ордук, оттон аҕыйах ыанар ынахтаахтар маннык субсидияны ылаллара сөптөөх, — диэтэ Марков.

Исписэлиис эппитинэн, былырыын субсидияны ылбыттар харчыларын сүөһү аһын бэлэмниир үлэҕэ, ол эбэтэр уматык, техника ылыытыгар туттубуттар.

Хоточчуга, бааһынай хаһаайыстыбалары кытта холбоон, уопсайа 500-тэн тахса ыанар ынах баар.

Следите за самым важным и интересным в Telegram-канале и WhatsApp-группе ЯСИА
1
0