«Умнас» суол 144-с километрыгар, Хаҥалас улууһун Улахан-Аан нэһилиэгин таһыгар бэс ыйын 3 күнүгэр суол быһылаана таҕыста. «Урал-5557» суолтан туораан түҥнэһиннэ, таһаҕас тиэнэр массыына суоппара өллө.
Полицейскайдар суол болотунатын көрбүттэригэр туормастааһын суола суоҕун бэлиэтииллэр. 58 саастаах суоппар маннык саахал түмүгэр олоҕу кытта сөпсөспөт эчэйиини ылан, суһал көмө кэлиэн иннинэ миэстэтигэр өлбүт.
Эр киһи массыынаны ыыппыт ыстааһа— 22 сыл, кэнники сылга ПДД кэһии иһин административнай эппиэтинэскэ тардыллыбатах, суоппарынан үлэлээбит. Саахал тахсар түгэнигэр соҕотох таһаҕаһа суох айаннаан испит, массыынатыгар саахалтан харыстыыр кура суох эбит. Быһылаан сыырдаах уонна эргиирдээх сиргэ тахсыбыт. Быһылаан биричиинэтин силиэстийэ олохтуохтаах.
