3 От ыйа 03.07
  • -7°
  • $ 104,68
  • 115,6

Хаҥалас улууһугар суол быһылааныгар биэс киһи эчэйдэ

Муус устар 29 күнүгэр 19 чаас 50 мүнүүтэ саҕана, Мохсоҕоллоохтуур суолга 1968 с. т. суоппар УАЗ- 390945 массыынаны салайан иһэн, 60 саастаах суоппар ыытан испит «Noah» массыынаны кытары харсыста. Саахал түмүгэр биэс киһи эмсэҕэлээтэ, диэн Саха сиринээҕи ИДьМ ГИБДД салалтата СИА-ҕа иһитиннэрэр.

Бэрэбиэркэ быһаарбытынан, саахал кэмигэр Тойота массыынаҕа суоппартан атын, 5 киһи баара биллибит, УАЗ-ка суоппар соҕотох испит.  Соҕотох суоппар массынаны ыыппыт ыстааһа 1986 сылтан ааҕыллар, бүтэһик ГИБДД линиятынан административнай эппиэтинэскэ тардыллыбатах.

Бэрэбиэркэ эр дьон арыгылаабытын көрдөрбүт: 1 лиитирэ тыынан таһаарар салгыныгар алкотестер 0,72 этанолу бэлиэтээбит. Суоппар этэринэн, айан-сырыы иннинэ быырпах испит, ол кэннэ  Мохсоҕоллоохтон Булгунньахтаахха барарга күһэллибит. Саахал содулугар суоппар төбө-мэйии эчэйиитин ылбыт, атаҕын тоһуппут  2 степеннээх шок ылбыт киһини оройуоннааҕы балыыһаҕа тириэрдибиттэр.

Тойота суоппара 30 сыл ыстаастаах, саахал түмүгэр ыарахан эчэйиини ылбыт, билигин реанимацияҕа сытар. Маны сэргэ араас степеннээх эчэйиини «Noah» үс пассажирдара-1949, 1992, 1995 с.т. ылбыттар. Пассажирдар этэллэринэн, саахал кэмигэр бары куттал суох буолуутун туоратыыга туһаныллар куру кэтэн олорбуттар.

Барыллаан чахчыларынан, Дьокуускайтан Мохсоҕоллооххо пассажирдары таһар микроавтобус суоппара таксинан дьарыгырар лицензията суох сылдьыбыт. Кини этэринэн, пассажирдары аара суолга ылбыт.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар