Хаҥалас оройуонугар үөрэх сессиятын кэмигэр оҕолору маассабай сүһүрдүү тахсан, прокуратура бэрэбиэркэтэ буолуоҕа диэн СИА-ҕа биэдэмистибэ пресс-сулууспата иһитиннэрдэ.
Сэтинньи 6 күнүгэр Өктөм нэһилиэгэр «Ленский край» физико- математическай форумҥа оҕолору маассабай сүһүрдүү таҕыста диэн, SakhaLife редакцията иһитиннэрдэ. Кинилэр иһитиннэриилэринэн форумҥа 80- тан тахса үөрэнээччи кытынна. Кинилэртэн хас да оҕо температуралаах, хотуолаах, уопсай туруктара мөлтөөн балыыһаҕа киирдилэр, сорохторун төрөппүттэрэ ыллылар.
Быһылаан тахсыбыт сиригэр оройуон прокурорун солбуйааччы Алексей Попов таҕыста. Оҕо доруобуйатын мөлтөөһүнүн төрүөттэрэ баар буоланнар, аһы-үөлү тэрээһиҥҥэ уонна да атын боппуруостарга сыанабыл бэриллиэҕэ.
Туох эмэ төрүөт баар буоллаҕына прокуратура тустаах миэрэлэри ылыаҕа.
