Хаҥалас улууһун борокуратуурата оройуон баһылыгын солбуйааччытын коррупцияҕа сибикилээтэ. Кини хантараак сулууспатын салайбыта. Ол туһунан кэтээн көрөр уорган пресс-сулууспата суруйда.
Борокуратуура информациятынан, салайааччы бэйэтин олорор дьиэтин муниципалитекка атыылыыр, ити эрээри салайааччытыгар интэриэстэр утарсыылара баарын туһунан иһитиннэрбэт.
Онон борокуратуура кинини итэҕэл сүппүтүнэн ууратарга модьуйда. Сулууспалаах бэйэтин баҕа өттүнэн уураайбыта эрээри, борокуратуура суукка таҕыста уонна формулировканы «итэҕэл сүппүтүнэн» диэҥҥэ уларыттарда.
Суут ылыммыт быһаарыыта күүһүгэр киирэ илик.
This post was published on 03.12.2024 18:01 18:01