Турнир иккис сылын норуоттар ардыларынааҕы таһымҥа ыытыллар. Олунньу 1 — 2 күннэригэр «Триумфка» буолар. Тэрийээччи «НХЗ Групп» тэрилтэ эппитинэн, бириис пуондата 6 мөл солк.
Балаһыанньа быһыытынан, эр дьон 57, 65, 75, 85, 95 уонна 95 кг үөһэ ыйааһыҥҥа киирсиэхтэрэ. Бэтэрээннэр (40 саастарыттан үөһэ) 60, 70, 80, 90 уонна 90 кг үөһэ тургутуһуохтара. Эр дьоҥҥо кыайыылаахтар 100-түү тыһ солк тутуохтара, үрүҥ көмүстэр — 70-нуу тыһ солк, боруонсалар — 30-туу тыһ солк. Бэтэрээннэргэ 50, 25 уонна 15 тыһ солк, туһааннааҕынан.
Муҥутуур кыайыылаахтар 75 кг диэри уонна 75 кг үөһэ — 500 тыһ солк, кыайыылаах кура уонна бриллианнаах мэтээл иилиниэхтэрэ. Ааспыт сылга муҥутуур кыайыылааҕынан Тимур Николаев Саха сириттэн уонна Балдан Цыжипов Бурятияттан буолбуттара.
This post was published on 14.01.2025 17:59 17:59