«Госуслуги» порталга таксины бэрэбиэркэлиир функция баар буолла. Суоппар уонна кини массыыната сокуон бары ирдэбилигэр сөп түбэһэрин билиэххэ сөп. Ол туһунан РФ Минцифра иһитиннэрэр.
Бэрэбиэркэлииргэ «Госкан» функция көмөтүнэн «Госуслуги» портал сыһыарыыларыгар массыына салонугар баар анал QR-коду төлөпүөн нөҥүө көрүөххэ наада. Ону тэҥэ «Такси сокуоннай буоларыгар бэрэбиэркэлээһин» диэн сервиһи туһанан, дааннайдары илиинэн киллэриэххэ сөп — нүөмэрэ уонна такси үлэлиир региона. Өҥөнү буларга Робот Макс көмөлөһөр.
«Госуслуги» дааннайдар «Такси» тырааныспар министиэристибэтин систиэмэтиттэн көстөллөр, онно тиэйиигэ көҥүллэр уонна ханнык массыыналар такси реестригэр киллэриллибиттэрин туһунан информация харалла сытар.
This post was published on 14.01.2026 16:06 16:06