18 Ыам ыйа 18.05
  • -7°
  • $ 104,68
  • 115,6

«Госуправление 4.0» бырайыак өрөспүүбүлүкэ министиэристибэлэригэр уонна биэдэмистибэлэригэр киириэҕэ

10:01, 17 июня 2020
Текст:

Баайга-дуолга уонна сир сыһыаннаһыыларын министиэристибэтигэр апробацияны ааспыт «Госуправление 4.0» бырайыак атын министиэристибэлэргэ уонна биэдэмистибэлэргэ киллэриллиэҕэ. Саҥа дьаһал быһаарыы ылары, судаарыстыбаннай өҥөнү оҥорууну судургутутта, түргэтэттэ.


Ленскэй кулууп мунньаҕар Саха сирин баһылыга Айсен Николаев «Госуправление 4.0» бырайыак туһунан эттэ, диэн СИА суруйар.
«Суһал коммуникацияны сайыннарар сыаллаах өрөспүүбүлүкэҕэ «Госуправление 4.0» саҥа бырайыагы киллэрэбит. Дьаһал бэрэбиэркэлээн көрөөһүнэ былырыын, бырабыыталыстыбаны Владимир Солодов салайан олорор кэмигэр, баайга-дуолга, сир сыһыаннаһыыларыгар министиэристибэҕэ аһардылынна. Бырайыак көмөтүнэн отут бырыһыан курдук салайыы араас дьаһабылын оптимизациялаатыбыт. Билигин маннык хабааннаах үлэ өссө түөрт министиэристибэҕэ киирдэ, итиэннэ өрөспүүбүлүкэ баһылыгын уонна бырабыыталыстыбатын дьаһалтатыгар. Сотору кэминэн бу систиэмэни бары министиэристибэлэргэ уонна биэдэмистибэлэргэ кииллэриэхпит. Бу быһаарыы ылыытын, судаарыстыбаннай өҥөнү оҥоруу тэтимин, ресурсаны туһаныыны уонна салайыыга инженернай бырассыаһы киллэриини судургутатыа уонна түргэтэтиэ.
Коронавирус уруккулуу салайыыны тохтотор кэм кэлбитин көрдөрдө. Түргэнник уларытыылары киллэрэ охсуохпутун наада. Техническай да өттүнэн ылан көрдөххө, быһаарыы ылыныытын сөбүлэһиннэриитин хаамыытын 2- 3 чааска диэри кылгаттыбыт, урукку курдук икки — үс нэдиэлэни быһа соһулла сылдьыбат», — диэтэ Айсен Николаев.
Следите за самым важным и интересным в Telegram-канале и WhatsApp-группе ЯСИА
0
0