Россия хотугу уонна Арктика кытылынан тайаан сытар ыраах, суола-ииһэ суох нэһилиэнньээх пууннарга медицина көмөтүн оҥоруу туһунан Ил Дархан Айсен Николаев уонна Госдуума доруобуйа харыстабылыгар кэмитиэтин бэрэссэдээтэлэ Дмитрий Морозов кэпсэттилэр. Дьыалабыай көрсүһүүү балаҕан ыйын 27 күнүгэр буолла.
Дмитрий Морозов регион медицина тэрилтэлэрин кытта билистэ. Үлэһиттэри кытта кэпсэттэ, Россия Арктикатын зонатыгар ыытыллар «Доруобуйа харыстабыла» национальнай бырайыак тула төгүрүк остуол ыытта.
Айсен Николаев дойду хотугу уонна арктическай регионнарыгар, ол иһигэр Саха сиригэр эмиэ, судаарыстыба өттүттэн улахан болҕомто уонна өйөбүл ирдэнэрин бэлиэтээтэ.
Депутат Россия биир бөдөҥ субъегын баһылыгын этиитин кытта сөбүлэһэрин биллэрдэ. Бу барыта федеральнайдааҕы сокуонунан бигэргэтиллиэхтээҕин эттэ. Кини Саха сирин салалтатыгар доруобуйа харыстабылын хайысхатыгар ыытар үлэлэрин иһин махтанна.
Дмитрий Морозов Госдуума доруобуйа харыстабылыгар кэмитиэтэ Саха сирин кытта бииргэ үлэлиииргэ бэлэмин биллэрдэ диэн, СӨ баһылык уонна бырабыыталыстыба пресс-сулууспата иһитиннэрэр.
This post was published on 30.09.2019 11:40 11:40