23 От ыйа 23.07
  • 21°
  • $ 87,78
  • 95,76

ГосДуума дьокутаата Александр Сидякин Дьокуускайга дьиэни өлүүлэһэн тутууга албыннаппыт дьону кытта көрүстэ

16:32, 06 сентября 2018
Текст:
Читайте нас на
Яндекс Новости
ЯДВ

ГосДуума дьокутаата, “Биир ньыгыл Арассыыйа” баартыйа өлүүлэһэн тутааччылар уонна уурдарыылаахтар бырааптарын көмүскээһиҥҥэ оробуочай бөлөх салайааччыта Александр Сидякин Дьокуускайга былааһы кытта “бытыктаах” тутуулар боппуруостарын быһаараары кэллэ.

“Дьиҥ олоххо көстөрүнэн, өлүүлэһэн тутааччылар көхтөөх буоллахтарына, туһалаах хамсааһын тахсар”, — диэн норуот дьокутаата бэлиэтээтэ.

Александр Сидякин сайабылыанньата кини Богатырев уулуссаҕа турар элбэх кыбартыыралаах кыһалҕалаах дьиэҕэ сырыытын кэмигэр иһиллибитэ.

Өрөспүүбүлүкэ тутууга миниистирин бастакы солбуйааччы Павел Аргунов бэлиэтээбитинэн, өлүүлэһэн тутааччылар көҕүлээһиннэринэн былаас тутааччы өҥөнөн хааччыйар тэрилтэлэргэ иэһин төлөөн, эбийиэги үлэҕэ киллэттэрэр кыаҕы биэрбитэ.

Курашов уулуссаҕа элбэх кыбартыыралаах дьиэни тутуу саҥа саҕаланан иһэн тохтообута. Дьон 2013 с. дуогабарга олоҕуран кырата суох үбү куппуттара. Урукку тутааччы (Северная строительная компания) моҥкуруут барбыта. Билигин регион былааһа атын тутааччыны булар баҕалаах, ол эрээри биир кыһалҕа баар – конкурснай салайааччы 22 мөл солк. кээмэйдээх счету түһэрбит.

“Сүбэ мунньахха бу эбэһээтэлистибэни ылынар суобастаах тутааччылары булар туһунан дьүүллэһиэхпит. Биһиги эһиэхэ көмөлөһүөхпүт”, — диэн кини албыннаппыт дьоҥҥо эрэннэрдэ.

СИА-ҕа биэрбит комментарийыгар Павел Аргунов бүгүн эбийиэги Якутпромстрой интэриэһиргиирин туһунан эттэ. Тутуу министиэристибэтигэр бу хампаанньа салалтата өлүүлэһэн тутууга кыттыспыт дьону кытта көрүстэ, манна тутааччы суотугар атын дьиэни биэрэр кыах баарын дьүүллэстилэр. Кэлэр нэдиэлэҕэ түмүк ылыллыаҕа.

Следите за самым важным и интересным в Telegram-канале и WhatsApp-группе ЯСИА