РФ Судаарыстыбаннай думатыгар Арассыыйа иһигэр туризм сайдарын көҕүлүүр миэрэлэр туһунан уураах ылыныахтара. Ол туһунан алын палата спикера Вячеслав Володин Дума Сэбиэтин мунньаҕын кэнниттэн иһитиннэрдэ.
Мунньахха федеральнайдааҕы уонна регионнааҕы өйөбүл миэрэлэрин туһунан ырыттылар. “Кэпсэтии кэмигэр дьокутааттар федеральнайдааҕы уонна регионнааҕы, ону ааһан олохтоох бырагыраама оҥоһуллуохтааҕын быһаардылар. Оччотугар эрэ дойду иһинээҕи туризм сайдыаҕа. Манна сыана уонна сынньалаҥы тэрийии хаачыстыбатын боппуруостара эмиэ киирэллэр”, — диэн Вячеслав Володин бэлиэтээтэ.
Билигин туризм салаата кириисистэн тахсыытын уонна ис кыаҕы хайдах сөптөөхтүк туһанар туһугар Президент уонна Бырабыыталыстыба үлэлиир диэн спикер бэлиэтээтэ уонна өйөбүл миэрэлэрэ сокуонунан мэктиэлээх буолуохтаахтарын ыйда.
This post was published on 30.06.2020 13:02 13:02