2025 сыл алтынньы 1 күнүттэн хамнаһы 7,6% индексациялааһын байыаннай сулууспалаахтары уонна атын күүс структураларын үлэһиттэрин, ону тэҥэ бюджет үлэһиттэрин хас да категорияларын таарыйыа. Бу туһунан Госдума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэт бэрэссэдээтэлин бастакы солбуйааччы Елена Цунаева («Биир ньыгыл Россия») кэпсээтэ.
“2025 сыл алтынньы 1 күнүттэн Россия бырабыыталыстыбата былааннаабыт хамнастарын 7,6%-нан индексациялааһын, бастатан туран, байыаннай сулууспалаахтар уонна күүс эйгэтин үлэһиттэрин — ИДЬМ, Росгвардия үлэһиттэрин, холуобунай-толорор систиэмэ тэрилтэлэрин уонна органнарын үлэһиттэрин, күһэллэн толорор органнарын үлэһиттэрин уо.д. а хамнастарын үрдэтиигэ туһуланар», — диэтэ Цунаева.
Кини күүс биэдэмистибэлэрин биэнсийэлээхтэригэр эмиэ сөптөөхтүк биэнсийэ үрдэтиллиэҕэ диэн эбэн эттэ.
“Маны таһынан хамнас үрдээһинэ федеральнай казеннай, бюджет уонна автономнай тэрилтэлэр үлэһиттэригэр; федеральнай судаарыстыбаннай органнар үлэһиттэригэр, байыаннай чаастар гражданскай персоналларыгар эмиэ сыһыаннаах буолуоҕа», — диэн дьокутаат аахта.
Кини бу былааннаах быһаарыы буоларын тоһоҕолоон бэлиэтээтэ. Маны тэҥэ, депутат бэлиэтээбитинэн, алтынньытааҕы индексация муниципальнай уонна региональнай тэрилтэлэр үлэһиттэригэр таарыйыа суоҕа. «Бу категорияҕа хамнаһы үрдэтэр туһунан быһаарыыны олохтоох былаас ылыахтаах», — диэн быһаарда.
