Олунньу 17 күнүгэр Хаандыгаҕа “АЛРОСА” СК төрүт оҕунан ытыыга “Томпо баһылыгын Кубогын” иһин тыҥааһыннаах күрэхтэһии буолла. Спортивнай тэрээһиҥҥэ 14 хамаанда, 190 охчут бастыҥ ааты былдьаста.
Горнай спортсменнарыттан Сардаана Степанова “куска” бастакы уонна үс көрүҥ (кус, куобах, тииҥ) түмүгүнэн кыайыылаах үрдүк аатын ылан, кыһыл көмүс мэтээллэри иилиннэ. Кини бу ситиһиитинэн Саха Өрөспүүбүлүкэтин спордун маастарыгар кандидат нуорматын толордо.
Атын охчуттарбыт бэйэлэрин холлоругар куһаҕана суохтук кытыннылар.
Күрэхтэһииттэн күрэхтэһиигэ көрдөрүүлэрэ тупсан иһэрэ бэлиэтэнэр. Тренер Зинаида Платонова спортсменнар ыраах айаҥҥа илдьэ сылдьыбыт суоппардарыгар Николай Текеяновка махталларын тириэрдэллэр, суруйда Вячеслав Алексеев, @silatrudagorny
