Горнай улууһун Бэс Күөл сэлиэнньэтигэр саҥа оскуола тутуллар. Оҕолор бу дьылга дылы 1982 сыллааҕы тутуу мас дьиэҕэ үөрэммиттэрэ, НВК Саха-телеграм ханаал суруйар.
Дойду бэрэсэдьиэнэ Владимир Путин быһа сорудаҕынан ойуур баһаарыттан эмсэҕэлээбит сэлиэнньэ оҕолоругар икки этээстээх таас оскуола тутуута саҕаламмыта.
Бүгүҥҥү күҥҥэ 150 миэстэлээх оскуола тутуутугар инженернэй ситимэ уота, уута хаара, ититиитэ, канализацията вентиляцията таҥыллар.
Эбийиэккэ тупсарыы үлэтэ, тас уонна ис өттүгэр хара отделкалара түмүктэнэн турар.
Саҥа оскуолаҕа үөрэнэр кылаастары, мастарыскыайдары таһынан, актовай уонна спорт саалалара, бибилэтиэкэ, остолобуой, медкабинет баар буолуохтара.
