2021 сыл ахсынньытыгар Горнай улууһун киин балыыһатыгар саҥа компьютернай томограф «Доруобуйа харыстабыла» нацбырайыак чэрчитинэн аҕалыллыбыта. Тэрили бу сыл олунньутугар үлэлэппиттэрэ, ол кэмтэн 700-тэн тахса чинчийии ыытылынна, суруйар СИА.
«Саҥа компьютернай томографка 711 пациент көрдөрүннэ. Ол иһигэр 524, эбэтэр 73,7% тыҥа уонна «грудной клетка». Аппараат ханнык баҕарар органы ханнык баҕарар өттүттэн, хаачыстыбатын сүтэрбэккэ түһэрэр», – диэтэ Фения Михайлова, Горнайдааҕы киин балыыһа кылаабынай бырааһын э.т.
Балыыһаҕа диагностыыр оборудование барыта биир блокка таҥыллан туруоруллубут. Компьютернай томограф пациеннары бастакы этээскэ көрөр. Иккис этээскэ рентген уонна флюорографическай аппараат, УЗИ-аппарааттар. Онон дьоҥҥо олус табыгастаах.
Маны сэргэ сайын санитарнай автотранспорт Малтааныга уонна Күөрэлээххэ аҕалаллыбыт.
