Иллэрээ күннээҕитэ Бэрдьигэстээх уонна Маҕарас суол икки ардыгар икки оҕолоох тайаҕы чахчы нүдьү-балай дьон өлөрбүттэр. Ол туһунан киһиргэс «булчуттар» «Тигр СВД» диэн батсаап-бөлөххө ыыппыттар.
Бөлөххө баар дьон бу буолбут быһылааны тута сөбүлээбэтэхтэрин биллэрдилэр. Тайах икки оҕото өссө тугу да өйдөөбөт буолан, дьону батыһа сылдьаахтыыллар эбит. Тайахтар оҕолорун горнайдар быыһаатылар.
Егор Степанов, эстрада ырыаһыта:
— Киhи сиэриттэн тахсыбыт дьон итинник быһыыланан эрдэхтэрэ. Хайдах буолбут киһи бачча сайын икки оҕолоох тайаҕы өлөрүөй? Ити дьону булан хайаан да миэрэҕэ тардыахха наада.
Тустаах уорганнар дьайыыларын кэтэһэбит.
This post was published on 09.06.2017 16:30 16:30