Горнай улууһугар Снежана, Руслан Чемезовтар «Агротуризм» федеральнайдааҕы бырагырааманан 7,5 мөл. солк граны ылбыттара. Бөдөҥ хаһаайыстыбата Ил Дархан Айсен Николаев саҥа быһаарыыларыгар санааларын эттилэр.
– Тыа хаһаайыстыбытын сайдыытыгар өрөспүүбүлүкэттэн эрэ буолбакка, Россия үрдүнэн улахан өйөбүл баара тустаах дьону үөрдэр. Сайдарга тирэх буолара биһиэхэ инникигэ эрэли үөскэтэр.
Биир эрэ сиргэ тэпсэҥнии турбакка, тыа хаһаайыстыбатын атын көрүҥнэри сайыннарарга кыах биэрэр. Холобур биһиги агротуризм хайысхатын саҥа сүүрээн быһыытынан, олоххо киллэрэрбитин үгүс дьон сэҥээрдэ, — диэтилэр Чемезовтар.
Онон Ил Дархан Айсен Николаев ыаммыт үүт харчыта үрдүүрүн туһунан быһаарыытын олус үөрэ ылыммыттарын эттилэр.
— Бу быһаарыы ынах сүөһү ахсаана элбииригэр улахан өйөбүл буолуоҕа. Хаһаайыстыбалаах дьон үүт туттарыытыгар күүскэ үлэлэһиэхтэрэ диэн эрэнэбит, — диэтилэр.
Ааптар: Вячеслав Алексеев, @silatrudagorny
