Горнай улууһун Бэрдьигэстээх нэһилиэгэ ТУоС-тары кытта үлэҕэ өрөспүүбүлүкэҕэ биир бастыҥ үлэлээх.
Горнай улууһугар 9 уопсастыбаннай түмсүү ТУоС (территориянан уопсастыбаннай салайыыны) уорганын быһыытынан регистрацияланан, юридическай сирэй буолаллар. Нэһилиэктэр дьаһалталарыгар 31 регистрацияламмыт түөлбэ баар.
Анаабыр улууhун Сааскылаах нэhилиэгин баhылыга Алексей Николаев Бэрдьигэстээх нэһилиэгэр түөлбэ үлэтин билистэ. Нэһилиэк баһылыга Алексей Аргуновы кытта бииргэ үлэлээһин тосхолун торумнаатылар. Түөлбэ салайааччылара үлэ уопутун кэпсээтилэр, үлэлэрин сырдаттылар.
Фото: Айталина Санникова
Ыалдьыт Саха Өрөспүүбүлүкэтин уус-уран оҥоһуктарын маастара, Горнай улууһун норуодунай маастара Валерий Моисеевич Дьячковскай – Сиэн Харах хатыҥ мас удьурхайыттан, силиһиттэн-мутугуттан оҥоһуктарын быыстапкатын көрөн сөхтө-махтайда.
СӨ ТОС-тар ассоциацияларын салайааччыта К.М. Васильева салайааччылаах улууска түөлбэлэри кытта биир ситимнээх үлэни сайыннаран, сүбэлэрин холбоон биир хайысханы тутуһан салгыы үлэ салҕанар.
Ааптар: Айталина Санникова
