Горнайдар оскуоланы мэтээллээх бүтэрбит оҕолорун эҕэрдэлээтилэр

Бэрдьигэстээххэ Кыайыы болуоссатыгар Горнай улууһун баһылыга оскуоланы туйгун сыананан бүтэрбит үөрэнээччилэри, БКЭ түмүгүнэн үрдүк баалы ылбыт выпускниктары, төрөппүттэри, учууталлары, өрөспүүбүлүкэ үөрэнээччилэрин спартакиадатыгар ситиһиилээхтик кыттыбыт эдэр спортсменнары, тренердэри кытары көрүстэ. 

Никита Андреев барҕа махтал тылларын этэн туран, талан ылбыт үрдүк үөрэх кыһатыгар үчүгэйдик үөрэнэн, идэлэрин баһылаан өрөспүүбүлүкэ, улуус сайдыытыгар сүҥкэн кылааттарын киллэрэллэригэр эрэнэрин биллэрдэ.

Үөрүүлээх тэрээһиҥҥэ Никита Андреев “Мытаах нэһилиэгэ” МТ баһылыгар Иван Петровка 2022 с. хостоммут алмааска биллиилээх худуоһунньук Афанасий Осипов аатын иҥэрбиттэрин туоһулуур докумуону үөрүүлээх быһыыга-майгыга туттарда. Бу күнтэн ыла Мытаахтааҕы музей-галереяҕа хараллан, дьон көрүүтүгэр туруоҕа.

Оскуоланы кыһыл көмүс мэтээлинэн бүтэрбит выпускниктар:

Лена Ноговицына (Лука Харитонов аатынан оскуола).

Ирина Баишева, Надежда Егорова, Александра Краскова, Уйгууна Сидорова, Нарыйаана Петрова, Егор Аввакумов  (Василий Филиппов аатынан улуустааҕы гимназия).

Мария Потапова, Вера Андреева (Савва Тарасов аатынан оскуола).

Виолетта Максимова, Инга Большакова, Саина Черепанова, Уйусхан Марков (Афанасий Осипов аатынан оскуола).

2020 с. улуус баһылыгын анал дьаһалынан оскуоланы биир “4” сыананан бүтэрбит, БКЭ үрдүк баалга туттарбыт оҕолорго үрүҥ көмүс мэтээл олохтоммута.

Юлиана Кириллина, Элеонора Михайлова, Наталья Оленова, Кустуктаан Афанасьев, Алексей Данилов, Петр Левин, Айсаар Николаев (Василий Филиппов аатынан улуустааҕы гимназия).

Виктория Аввакумова,Никалина Иванова, Алина Иванова (Владимир Лонгинов аатынан оскуола).

Лейла Кондакова (Савва Тарасов аатынан оскуола).

Сахалита Андреева, Ангелина Кубарова (Кировскай орто оскуолата).

Сайыына Андреева (Софрон Данилов аатынан оскуола).

Эвелина Чемезова, Надежда Павлова, Дмитрий Сидоров (Афанасий Осипов аатынан оскуола).

БКЭ түмүгүнэн үрдүк баалы ылбыт оҕолор учууталларыгар Виктория Попова (Василий Филиппов аатынан улуустааҕы гимназия), Татьяна Жирковаҕа (Афанасий Осипов аатынан оскуола), Надежда Тимофееваҕа (Савва Тарасов аатынан оскуола) итии-истиҥ тыллаах Махтал суруктар туттарылыннылар.

Вячеслав Алексеев, «Үлэ күүһэ» хаһыат, Горнай улууһа