Муус устар 7 күнүгэр II өрөспүүбүлүкэтээҕи форум Майаҕа ыытыллара былааннанар. Аан бастаан маннык ааттаах форуму 2019 сыллаахха Маҥаны нэһилиэгэр улуус таһымнаах горнайдар ыыппыттара.
Горнайдар 2021 сыллаахха Бэрдьигэстээххэ регион таһымыгар «Төрүт түөлбэм төлкөтө» бастакы форуму тэрийбиттэрэ уонна салгыы маннык тэрээһини эстафета быһыытынан Майаҕа тэрийэргэ быһаарбыттара.
«Бу форумҥа улуус, нэһилиэк баһылыктарын, түөлбэ салайааччыларын көхтөөхтүк кыттаргытыгар ыҥырабыт. Бу сигэнэн киирдэххэ тэрээһин балаһыанньатын сиһилии билсиэххитин сөп https://vk.com/wall-219365090_18. Форум бырагыраамата https://vk.com/wall-219365090_19. Кыттыыны ылыан баҕалаах дьон бу сигэнэн киирэн сайаапкаҕытын биэрэргитигэр https://docs.google.com/forms/d/1c9RBr1MN0ghabV1I_dl9oVw0sz6H5vJZIdm0T39ynsM/edit», — диэн Горнай улууһуттан тэрийээччилэр СИА-ҕа кэпсээтилэр.
