17 От ыйа 17.07
  • 20°
  • $ 87,81
  • 95,78

Горнай улууһуттан төрүттээх саллаат көмүс уҥуоҕа көһүннэ

18:45, 04 сентября 2018
Текст:
Читайте нас на
Яндекс Новости
ЯДВ

Сэриигэ сураҕа суох сүппүт саллааттары көрдүүр эдэр следопыттар Улуу Новгород таһыттанГорнай улууһун Солоҕон нэһилиэгиттэн төрүттээх хорсун сэрииһит Семенов Егор Адамович кырамтатын булбуттарын туһунан дьонугар биллэрбиттэр.


Егор Адамович Семенов 1914 с. Ньурбаҕанчына нэһилиэгэр (Солоҕоҥҥо) төрөөбүтэ. Оҕо сааһа Солоҕоон Сиинэтигэр ааспыта. Гражданскай сэрии кэнниттэн кыра холкуостар тэриллэн, ынах сүөһү, сылгы иитиитинэн дьарыктанан барбыттара. Егор Адамович үөрэхтээх буолан, оройуон киинигэр Бэрдьигэстээххэ райсобес салаатын сэбиэдиссэйинэн үлэлии сырыттаҕына, Аҕа дойдуну көмүскүүр Улуу сэрии саҕаламмыта.

Е.А. Семенов 1941 с. бастакы хомуурга хабыллан сэриигэ барбыта. Сэриилэһэ сылдьан, 1942 с. алтынньы ыйыгар сураҕа суох сүппүтүн туһунан биллэрии кэлбитэ. Ол кэмнэргэ биир байыаннай часка сылдьыбыт, сэрииттэн бааһыран кэлбит биир дойдулааҕа А.Т. Марков кэпсээбитинэн, 1942 с. муус устар сүүрбэһис күннэригэр 372 стрелковай дивизия 1236 стрелковай полкатын састаабыгар сэриилэһэ сылдьан өлбүт. Биир дойдулааҕа И.Н. Петров ону көрбүт, билбит.

Сэрии кэнниттэн, 1948 с., төрөппүт аҕата Адам Петрович Семенов өлбүт уолун көрдөөн, Улуу Новгородка бара сылдьыбыта биллэр. Ол саҕана Калинин аатынан холкуоска үлэлии сылдьыбыт Адам Петрович үөрэҕэ суох да буоллар, оччо ыраах дойдуга барарга санаммыта туһугар эмиэ хорсун санаа буоллаҕа.

Хорсун буойун көмүс уҥуоҕун аймах-билэ дьонноро, төрөөбүт сиригэр Солоҕоҥҥо аҕалан чиэстээн кистиэхтэрэ диэн эрэнэбит.

Ааптар: Дмитрий ЕФРЕМОВ.

Следите за самым важным и интересным в Telegram-канале и WhatsApp-группе ЯСИА