24 От ыйа 24.07
  • 28°
  • $ 87,3
  • 95,46

Горнай улууһун ходуһаларыгар 974 киһи оттуу сылдьар

Читайте нас на
Яндекс Новости
ЯДВ

Улуустааҕы тыа хаһаайыстыбатын управлениетыттан бэриллэр иһитиннэриинэн от ыйын 20 күнүнээҕи туругунан улуус ходуһаларыгар 974 киһи оттуу сылдьар. Үс хонуктааҕыта 711 киһи баара.

Барыта 437 звено оттуу сылдьар. Онно 345 тиэхиньикэлээхтэр. Звенолары араарар буоллахха: 74 механизированнай, 209 механизированнай аҥаардаах, 154 илии звенолара буолаллар.

Күн бүгүн 1117 га охсуллубут. Үс хонуктааҕыта 508,5 га этэ. Кэбиһии 655,7 тн буолбут. Бу былаан 5,4% тэҥнэһэр.

Ааспыт сыллааҕы көрдөрүүнү кытта тэҥнээтэххэ, 2022 сыллаахха от ыйын 21 күнүнээҕи туругунан, ходуһаҕа 380 киһи, 174 тиэхиньикэ үлэлии сылдьыбыт. Барыта 172 звено, ол иһигэр 80-на механизированнай, 81-рэ механизированнай аҥаардаах, 11 илии звенота. Охсуу иэнэ 765,61 га эбит. Ону тэҥэ 347,39 тн от кэбиһиллибит. Ити былаан 2,9% тэҥнэспит.

Быйыл Горнай улууһун үрдүнэн от былаана 12155,30 тн. Хас биирдии хаһаайыстыбаҕа сүөһү, сылгы ахсааныттан көрөн, былаан оҥоһулунна. Онон сүөһү, сылгы аһылыгын бэлэмнээһиҥҥэ үлэ күргүөмнээхтик барар.

Анастасия Копылова, кылаабынай агроном

Следите за самым важным и интересным в Telegram-канале и WhatsApp-группе ЯСИА