П.Д.Аввакумов аатынан киин библиотекаҕа «Бэйэ бастакы мөлүйүөнүн хайдах мунньуохха сөбүй?» доруобуйаларынан хааччахтаах оҕолорго уонна кинилэр төрөппүттэригэр аналлаах финансовай билиигэ фестиваль буолла.
Бырайыак ааптара- бырайыактааһыҥҥа уопуттаах, улуус биир улахан общественнай түмсүүтүн салайааччыта Ирина Кирилловна Алексеева.
Дьокуускай куорат SMART библиотекатын «Финансики” бырайыагынан оҕолор мультфильм геройдара, тииҥчээннэр Проша уонна Бэлла көмөлөрүнэн үп-харчы кэрэхсэбиллээх эйгэтин үөрэттилэр. Бырайыак ааптара Розалия Борисова, методист Рита Якушева төрөппүттэргэ үбү-харчыны сөпкө тыырыы, туттуу туһунан кэпсээтилэр.
Павел Дьячковскай 10 кылаас үөрэнээччитэ декоративнай дуосканы оҥорууга, Октябрина Яковлева Бэрдьигэстээх кыраайы үөрэтэр түмэл үлэһитэ полимернай глинаттан оҥоһуктары оҥорууга маастар кылаастары тэрийдилэр.
Библиотека ааҕааччылара «Бэйэ бастакы мөлүйүөнүн хайдах мунньуохха сөбүй?» диэн үбү сөпкө мунньууга бырайыак ааптардарын уонна нолуок вычетын сөпкө туһанарга үпкэ сүбэһит, инвестор Светлана Платонова лекцияларын сэргии иһиттилэр.
Өрөспүүбүлүкэ бастыҥ үлэлээх библиотекатын кытта бииргэ үлэлэһиигэ сөбүлэһии түһэрсилиннэ, улуус библиотекардара библиотечнай уруоктары, виртуальнай быыстапкалары оҥорууга үөрэннилэр, үбү-харчыны табыгастаахтык туттарга бырайыак олоххо киирэригэр, о.д.а. үлэ хайысхаларыгар санааларын атастастылар.
Уопсайа 103 киһи хабыллан, туһалаах иһитиннэриини ылла, элбэххэ үөрэннэ, СИА-ҕа суруйда Айталина Санникова.
