Горнай улууһун баһылыгын 2022 с. үлэтин уочараттаах билиһиннэриитэ Атамайга буолла. Улуус дьаһалтатын управлениеларын салайааччылара биирдиилээн дьон боппуруостарыгар сирэй көрсөн хоруйдаатылар.
Быйылгы сылга нэһилиэккэ улахан үлэ барара күүтүллэр. Көрсүһүүгэ 150 миэстэлээх оскуоланы тутуохтаах ИСК Союз ХЭТ генеральнай дириэктэрин солбуйааччы Александр Егоров уонна элбэх хайысхалаах спортивнай-култуурунай киини үлэҕэ киллэриэхтээх СТК ХЭТ кылаабынай инженерэ Василий Ефимов былааннарын билиһиннэрдилэр.
МФЦ кылаабынай исписэлииһэ Мотрена Степанова миэстэтигэр дьон докумуонун толоруутугар үлэни ыытта.
Биирдииллэн дьон ордук сир-уот, дьиэ-уот өрөмүөнүн, бэйэ дьарыктах буолуу боппуруостарыгар сүбэ-ама ыллылар.
Ааптар: Вячеслав Алексеев, @silatrudagorny
This post was published on 26.01.2023 17:28 17:28