Ойуур баһаарыттан эмсэҕэлээбит Горнай улууһун Бэс Күөлэ нэһилиэгэр элбэх функциялаах саҥа киин тутуохтара. Манна спортивнай саала, 250 көрөөччүгэ анаммыт кэнсиэрдиир сир, нэһилиэк дьаһалтата, почта хоһо, модульнай бибилэтиэкэ олохсуйуохтара. Итини таһынан кииҥҥэ дьоҕус урбааҥҥа миэстэ көстүө: атыы-эргиэн, ателье, парикмахер, фотостудия үлэлиир кыахтаныахтара.
Элбэх функциялаах дьиэ иэнэ 2171 кв. м. буолуо. Саҥа тутуу нэһилиэк киинигэр Лонгинов уулуссатыгар дьэндэйиэ. Дьиэ иннигэр сынньанар, массыына тохтуур сирдэрдээх буолуо.
Киин тутуутун Ил Дархан Айсен Николаев тыа сирин биир кэлим сайыннарыы бырагырааматынан тутар этиитин дойду бэрэсидьиэнэ В.Путин баһаар содулун туоратар мунньахха өйөөтө.
This post was published on 16.08.2021 17:38 17:38