Россия «Главгосэкспертиза»-та Саха сиригэр Өлүөнэ муостатын тутуу үһүс түһүмэҕэр сөбүлэһэр түмүгү биэрдэ. Ол туһунан биэдэмистибэ телеграм-ханаалыгар суруйда.
«Главгосэкспертиза» эксперэ Максим Котов кэпсээбитинэн, үһүс түһүмэх муостаны олохтоох суоллары кытта ситимниэхтээх. «Дьокуускай өттүгэр муостаҕа киириигэ эбии суоллары Лесная, Молодежная уулуссаларга уонна атын учаастактарга оҥоһуллар, уопсай уһуна 788,22 м», — диэтэ Котов.
Кини эппитинэн, үһүс түһүмэххэ Хатыҥнаах үрэҕи туоруур муоста тутуллар уонна тыаһы тохтотор экраннар туруоруллаллар, оччоҕуна Старай Табаҕа олохтоохторун техника тыаһыттан харыстанар.
Өлүөнэ муостата Дьокуускай өттүттэн Старай Табаҕанан Мэҥэ Хаҥалас улууһун Хаптаҕайыгар диэри хайысханан тутуллар. 2028 сыл бүтүүтэ үлэҕэ киириэхтээх.
This post was published on 31.01.2025 13:07 13:07