«Сулус» полигоҥҥа 140 снайпер Россия 16 регионуттан түмүстэ. Саха снайпера Федор Охлопков сырдык кэриэһигэр ыытыллар турнир РФ бырабыыталыстыбатын бэрэссэдээтэлин солбуйааччы — Уһук Илиҥҥэ президент боломуочуйалааҕа Юрий Трутнев көҕүлээһининэн ыытыллар.
Күнүскү түһүмэххэ Воха уонна Колпачок кыайыылаахтарынан буоллулар. Сүрүн бириистэр — автомобиль уонна квадроцикл. Сахалар төрдүс миэстэни ыллылар.
«Күрэхтэһии тэрээһинэ оһуобай. Тоҕус этээстээх эбийиэги сөбүлээтим. Куруук маннык буолбат. Түүҥҥү түһүмэх биһиэхэ бэркэ ааста. Утарылаһааччыларбыт күүстээхтэр. Бары үрдүк бэлэмнээхтэр. Киһи бинтиэпкэни тутаат да, 1500 — 1700 м турар сыалы таппат. Күүстээх бэлэм наада хас да сыллаах, бу дьыалаҕа бэриниилээх буолуу уонна сайдыы наада», — диэтэ снайпер Меркурий.
Санаттахха, түүҥҥү түһүмэххэ 140 кыттааччыттан бастыҥынан Кос уонна Брат буоллулар.
This post was published on 14.10.2024 12:27 12:27