28 Кулун тутар 28.03
  • -11°
  • $ 92,59
  • 100,27

«Газпром» хампаанньа нэһилиэктэргэ гаас ситимин тардыаҕа

Читайте нас на
Яндекс Новости
ЯДВ

Саха Өрөспүүбүлүкэтин Ил Дархана Айсен Николаев уонна «Газпром» хампаанньа бырабылыанньатын бэрэссэдээтэлин солбуйааччы Виталий Маркелов Петербурдааҕы норуоттар икки ардыларынааҕы  гаас пуорумугар  көрсөн  сөбүлэһии түһэристилэр.

Бу сөбүлэһии түмүгүнэн, бэрэсидьиэн бырагырааматын толоруу чэрчитинэн «Газпром» 1,8 млрд солкуобайы социальнай гаас киллэриини салҕааһыҥҥа угар эбэһээтилистибэ ылынна. Ону таһынан «Газпром» хампаанньа «Сила Сибири» гаас  ситимин аттыгар сытар нэһилэнньэлээх пууннарга нэһилиэк иһинээҕи гаас ситимнэрин тардыыны үбүлүөҕэ, бу үлэ Саха сирин 2021-25 сылларга гаастааһын бырагырааматын иһинэн ыытыллыаҕа.

Бырагыраама чэрчитинэн Алдан, Ленскэй, Нерюнгри уонна Өлүөхүмэ улуустарыгар 21 нэһилэнньэлээх пууннары гаастааһыҥҥа сөптөөх усулуобуйа тэриллиэҕэ. Ол иһигэр Алдан, Өлүөхүмэ куораттар, Бэчэнчэ, Мууруйа, Иенгра нэһилиэктэр, Чульман бөһүөлэк гааһынан хааччыллыахтара.

Источник: edersaas.ru

Следите за самым важным и интересным в Telegram-канале и WhatsApp-группе ЯСИА