29 Кулун тутар 29.03
  • -12°
  • $ 92,26
  • 99,71

Галина Шахурдинаҕа дьоһун бэлиэ туттарыллыбытынан эҕэрдэлииллэр

10:12, 26 апреля 2022
Текст:
Читайте нас на
Яндекс Новости
ЯДВ

Саха норуодунай артыыһын ахсааныгар күүтүүлээх-кэтэһиилээх аат эбилиннэ, диэн үөрдүлэр өрөспүүбүлүкэ дьоно. Галина Никитична Шахурдина Саха Өрөспүүбүлүкэтин норуодунай артыыһа ааты ылбытынан эҕэрдэлэр ананнылар.

Сааскы сандаархай сардаҥалары кытта сырдыгынан сыдьаайар, сылааһынан илгийэр, истиҥ иһирэх сонун дойдубут киэҥ киэлитин киэргэттэ. Таптыыр, убаастыыр, ытыктыыр, сүгүрүйэр киһибит, дьиҥ чахчы норуоттан тахсыбыт талаан, үлэһит үтүөтэ Галина Никитична Шахурдинаҕа «СӨ НОРУОДУНАЙ АРТЫЫҺА» диэн дьоһун аат иҥэрилиннэ.

Талаан, дьоҕур, тулуур-дьулуур көмөтүнэн кырыыланан, тупсарыллан үйэлээх үрдүк үктэлгэ үктэниитэ киһи аайы бэриллибэт дьол буолар. Айар-тутар суол куруутун сибэккинэн симэммэт, хайҕалынан хатаҕаламмат, сэргээһинэ-кэрэхсээһинэ да кэмнээх — кээмэйдээх кэмэ баар буолуон сөп…

Дьэ, ону тулуйар киһи тулуйар, уйар киһи уйар. Кэрэ туһа диэн ардаҕы, хаары бүрүнэн, тыалы — силлиэни сүгэн, куйаастан куттаммакка, итиигэ бэриммэккэ, тымныыттан толлубакка, көрөөччүтэ уон да киһи буоллун, хас эмит сүүһүнэн да буоллун, биир тэҥҥэ бэриниилээхтик, ис сүрэхтэн итийэн — кутуйан туран, кэрэ дорҕоон долгунугар бигээн, хомоҕой хоһоон хонуутугар хаамтаран олоҕу таптыырга үөрэтээччи, угуйааччы Галина Никитична, эн үрдүк аатыҥ бүгүн хас дьиэ аайы киэн тутта ааттанна, астына дуоһуйа иһилиннэ!
Астынабыт, киэн туттабыт, сахалыы сырылаччы сыллыыбыт, диэн СИА-ҕа суруйда Наталья Руфова Хатастан.

Следите за самым важным и интересным в Telegram-канале и WhatsApp-группе ЯСИА