Балаҕан ыйын 20 күнүгэр Эбээн-Бытантай национальнай улууһугар СӨ Бырабыыталыстыбатын бэрэссэдээтэлэ Галина Данчикова салайааччылаах оробуочай бөлөх кэлэн үлэлээтэ.
Самолетттан түһээт тутатына бөлөх киин хочуолунайга, Р.И.Шадрин аатынан Саккырыырдааҕы орто оскуолаҕа, киин балыыһаҕа уо.д.а. социальнай эбийиэктэргэ сылдьан үлэни-хамнаһы билистэ.
Күнүс 2 чаастан улуус дьаһалтатын дьиэтигэр улуус социальнай-экономическай сайдыытын тускулун торумнуур, Саккырыыр орто оскуолатын төрүттээччи, общественнай, политическай деятель Роман Иванович Шадрин 2018 сылга төрөөбүтэ 125 сылын туолар үбүлүөйүгэр анаммыт тэрээһиннэр тула киэҥ ыҥырыылаах мунньах ыытылынна.
This post was published on 21.09.2016 10:01 10:01